İstanbulda GC8 Prioritetlərinin Müzakirəsi

20 mar 2026

İstanbulda GC8 Prioritetlərinin Müzakirəsi

Global Fond, 2002-ci ildən fəaliyyət göstərən və HIV, TB və malyariya ilə mübarizəyə maliyyə dəstəyi verən qlobal təşkilatdır. Azərbaycan üçün GC8 ( 8-ci Qrant Dövrü) çərçivəsində təxminən 12,4 milyon ABŞ dolları ayrılıb (HIV: 7,8 milyon, TB: 4,6 milyon). Bu GC8 qrantı Azərbaycanın HIV və TB proqramları üçün Global Fond-dan son maliyyə dəstəyidir, buna görə də qrant çərçivəsində görüləcək tədbirlər yerli maliyyələşməyə keçidi nəzərə almalıdır.

16-19 mart tarixlərində İstanbulda keçirilən “Global Fond GC8-də Cəmiyyətin Aktiv İştirakı” mövzusunda 3 günlük görüş uğurla başa çatdı. Görüş zamanı Şərqi Avropa və Mərkəzi Asiya ölkələrindən olan iştirakçılar:

GC8 prioritetlərini öyrəndilər

Cəmiyyətin iştirakını artırmaq üçün planlar hazırladılar;

Təcrübələrini və alınan dərsləri paylaşdılar;

Qrup işi sessiyalarında iştirak etdilər;

Milli yol xəritələri hazırlayaraq həm maliyyə müraciətinin hazırlanması, həm də qrantın icrası mərhələsində icma iştirakını təmin etdilər.

Tədbirdə vərəmlə bağlı aparılan müzakirələrdə Sağlamlığa Xidmət İctimai Birliyinin əməkdaşları Elçin Muxtarlı və Türkan Muxtarlı öz təcrübələrini bölüşdülər. Xüsusi diqqət HIV və TB proqramlarının dayanıqlığına, həmçinin icmaların maliyyə müraciətlərinin formalaşdırılmasında roluna yönəldilir. İştirakçılar GC8 çərçivəsində həm maliyyə müraciətinin hazırlanması, həm də qrantın bölüşdürülməsi mərhələsində icma iştirakını təmin edən milli yol xəritələrini birgə hazırlayacaqlar.

Görüş bir daha göstərdi ki, TB və HIV ilə mübarizə yalnız tibbi məsələ deyil, həm də hüquqlar, əlçatanlıq, həmrəylik və dəstək məsələsidir. İcma əsaslı və insan yönümlü yanaşmalar, proqramların dayanıqlılığı və effektivliyi üçün həlledici rol oynayır.

/ Türkan Muxtarlı /